Naglab-ut sa P1,088,000 nga balor sang suspected shabu ang na-recover sa buy bust operation sang Provincial Drug Enforcement Unit (PDEU) sa Brgy. Bakhawan Sur, Concepcion kahapon, Abril 23.
Sa operasyon sang police, na-recover kay alyas Lamok ang duha ka dalagku nga sachets sang suspected shabu kag 12 ka sachets sang suspected shabu nga ginabanta nagabug-at sang 160 grams.
Sa impormasyon sang Aksyon Radyo Iloilo, nakaagi na preso sang 2019 ang subject sang nadakpan sa buy bust operation sa iban nga lugar.
Sa bilog nga probinsiya sang Iloilo naga-transaksyon ang subject ilabe na sa Concepcion kag San Dionisio. — Aksyon Paula Elambayo
