ILOILO– Na-recover sang kapulisan ang masobra P400,000 nga balor sang suspected shabu sa buy bust operation sa Zone 1, Mohon, Arevalo las 12:45 kahapon sang udto, Pebrero 23.
Ginkilala ang subject kay Danilo Ardonia, 39-anyos kag residente sang Brgy. Pakiad, Oton.
Suno kay Regional Police Drug Enforcement Unit (RPDEU) 6 head Police Major Romel Anicete, masobra isa ka bulan ang monitoring kay Ardonia antes gin-conduct ang operation.
Nakuha sa subject ang 13 ka sachets sang suspected shabu lakip na ang buy bust item; P35,000 nga buy bust money kag P1,700 nga ginapatihan proceeds sa pagbaligya sang druga.
Ginakabig si Ardonia nga High Value Individual (HVI).
Gintinguhaan sang Aksyon Radyo Iloilo News team nga makuhaan sang pahayag ang subject apang nagpamalibad na nga maghatag sang statement
