Nangakig si Mayor Jerry Trenas sa meeting sang Regional Development Council may kaangtanan sa oil spill.
Sa meeting, gin-report sang Philippine Coast Guard nga wala sila sang personal protective equipment (PPE) para sa pagkuha sang nagtagas nga langis sa kadagatan nga sakop sang Caluya, Antique.
Bangud sini, nagpahayag si Mayor Jerry Trenas nga mabulig ang City Government paagi sa paghatag sang PPEs sa Coast Guard.
Nagsabat naman ang representante sang NEDA6 nga ginapalab-ot na ang tanan nga issues ukon concerns sa meeting sa RDRRMC.
Diri nag-ugat ang pagpangakig sang alkalde kag nagpabutyag nga bawion na lang ang gintanyag nga bulig sang syudad.
Pero nagsaligbat ang taga -Coast Guard nga kinahanglanon nila ang bulig sang City Government tungod wala sila sang PPE.
