Gindagsa sang mga job seekers ang Mega Job Fair sang Iloilo Provincial Government nga ginpatigayon sang Public Service Employment Office (PESO) Iloilo sa Robinsons Jaro kahapon, Hulyo 18.
Ginabanta sa 12,000 ka mga job opportunities ang mahimo sudlan sang mga aplikante sa nasambit nga job fair.
Nag-umpisa ini las-8 kaina sang aga.
Suno kay PESO-Iloilo Manager Cynthia Dario masobra 100 ka mga kompaniya ang nagpasakop sa job fair.
Base sa record sang PESO-Iloilo, may masobra 1,000 ka mga job applicants ang nagkadto nga ginabug-usan sang mga nagpa-online register kag nag-walk-in.
Ini ang pinakauna nga tion nga nag-upod ang Department of Social Welfare and Development (DSWD) para manghatag sang Employment Assistance Fund sa idalum sang Sustainable Livelihood Program para sa mga na-hire on-the-spot.
I-subject sila sa assessment sang DSWD para mahibaluan kun qualified sila nga makabaton sang assistance.
Mahimo ini nga gamiton sa pagproseso sang ila mga dokumento sa pag-umpisa nila sa trabaho.
