ILOILO – Positibo sa African Swine Fever (ASF) ang mga blood samples sang baboy nga ginpangkuha sa Barangay Merced kag Libertad, Banate kag La Fortuna, Barotac Viejo.
Suno kay Provincial Veterinarian Dr. Daryl Tabuada, 4 tanan ka mga baboy ang nagpositibo sa Merced kag Libertad samtang lima (5) naman sa La Fortuna.
Ginapreparar na sang tagsa ka Local Government Unit ang mga barangay nga mangin apektado sa pagbutang sang 500-meter radius halin sa ground zero.
Ginsulit naman sang Provincial Government ang pagpatuman sang TaHuM program ni Governor Arthur Defensor, Jr. batok sa ASF.
Sa idalum sang amo nga programa, ginahaylo sang gobernador ang tanan nga backyard hog farmers nga magpahamtang sang Foot bath antes magsulod sa tangkal; Magpanghugas antes kag pagkatapos magpakaon sang baboy kag malimpyo nga baboy ang ipakaon sa mga baboy.
