3 probinsiya sa Region 6 ginapa-alerto agud indi masudlan sang ASF

ILOILO – Tatlo pa ka probinsiya sa Western Visayas ang wala sang kaso sang African Swine Fever (ASF).

Tungod sini, ginapa-alerto sang Department of Agriculture 6 ang Aklan, Antique, kag Negros Occidental nga pabaskugon ang border checkpoints batok sa pork kag pork-by-products halin sa kaiping nga probinsiya ukon rehiyon nga apektado sang ASF.

Nagpanugyan ang DA nga dapat pabaskugon ang implementasyon sang biosecurity measures, pagsunod sa checkpoints protocols kag iban pa.

Sa Rehiyon 6, una nga naka-record sang ASF ang Iloilo, Guimaras, kag Capiz. – via DA Western Visayas