Nasiplatan ang oil spill sa baybayon malapit sa covered court kag barangay hall sa Sitio Sambag kag Sitio Baluarte Barangay Hoskyn, Jordan, Guimaras las-7 kaina sang aga.
Suno kay Ensign Brilian Chua, public information officer sang Philippine Coast Guard Guimaras Station, ginabanta sa 100 meters ang kalayuon halin sa baybay nakita ang oil spill.
Pasado las-10 naman kaina sang aga sang nakuha ang oil spill.
Gina-imbestigaran pa subong kon ano nga oil ang naglapta kag kon diin ini naghalin.
May mga sakayan kag fiberglass boats nga nagadungka malapit sa ginluntaran sang oil spill. — Aksyon Maria Kayla Tingzon
