Gin-anunsyar ni Iloilo City Director Police Colonel Joeresty Coronica nga liwat nila buhion ang “Oplan Tokhang” sa Iloilo City.
Ginhimo ni Coronica ang announcement sang nabaton ang reports nga may mga barangay officials nga gina-angut sa illegal drugs nga nagdaug sa Barangay kag Sangguniang Kabataan Elections.
Suno kay Coronica, puwede gid magkadto sa iya opisina ang mga gusto mag-surrender, user man ukon pusher.
Pinaagi sa pag-surrender, mapakita nila suno kay Coronica nga gusto nila magbag-o kag nagasuporta sila sa pagpakigbato sa illegal nga druga sa syudad.
May mga programa suno kay Coronica ang gobyerno para sa mga luyag na magbag-o.
Ang mga nagdalaug subong nga bal-an namon may kaangtanan sa illegal drugs, ang ICPO magabuhi sang ‘Oplan Tokhang.’ So, kun gusto mo magpakita sang imo kooperasyon sa away kontra druga kag nagbag-o ka na, magpartisipar ka, mag-surrender ka sang kaugalingon mo kag ipresentar mo sa publiko nga ‘ikaw sang una nga involved sa druga, naga-surrender para sa pagbag-o,’ ang pahayag ni Coronica.
