ILOILO — Preso ang mag-abyan sang nakuhaan sang P1.6 million nga balor sang suspected shabu sa Brgy. Gogo, Estancia sang Sept. 17.
Suno kay Police Captain Rowena Garcia, Deputy Chief of Police sang Estancia Municipal Police Station, masobra isa ka tuig ang monitoring kay Alyas JM, tumandok sang barangay sa diin nadakpan man ang iya abyan nga si Alyas Wynwyn nga residente sang Brgy. Paon, Estancia.
Ginpahayag ni Garcia nga makatatlo ka beses na nga gindakop si Alyas JM sa kaso may kaangtanan sa illegal drugs.
Ginakabig nga High Value Individual ang subject nga nakuhaan sang 236.22 grams sang suspected shabu nga may standard drug price nga Php 1, 606, 296.00.
Naghalin sa syudad sang Iloilo ang source sang illegal nga druga sang mag-abyan suno sa pulis. — Aksyon trainee Decyrrie Diamante
