ILOILO— Liwat naman nga naka-recover sang minilyon nga balor sang suspected shabu ang City Drug Enforcement Unit kagab-i, Mayo 25.
Nakumpiskar sa drug buy bust operation sa Villa San Lorenzo Subd., Brgy. Loboc, Lapuz ang ginabanta 250 grams sang suspected shabu nga may standard drug price nga P1.7 million.
Subject si alyas William, 37-anyos nga security guard kag tumandok sang Brgy. Rizal Estanzuela, City Proper pero temporaryo nga nagatiner sa Zone 3, Brgy. Baldoza, La Paz.
Suno kay CDEU head Captain Roque Gimeno III, antes mag-duty si Willian ginahapit pa niya ang illegal nga druga sa amo nga lugar para ibaligya.
Madulom ang area gani sa mo nga lugar naga-transact si William.
Samtang nagapadayon ang operation, nagpadulong pa sa lugar si alyas Ambok para kuntani mag-transact kay William pero wala nadayon tungod nakita ang pulis.
Ginlagas pa sang nga pulis pero wala nila naabutan. — Aksyon Farrah Mae Morano
