ILOILO— Ginatigana pa kuntani para sa Sulay Basya Festival bwas ang illegal drugs nga na-recover sa mag-live in partner nga nadakpan sa drug buy bust operation sa Brgy. Ferraris, Sara kagab-i.
Ini suno kay Lieutenant Brett Balopiños, hepe sang Sara Municipal Police Station.
Nadakpan sa operasyon kanday alyas Grace, 21-anyos kag alyas Paul, 20-anyos nga nakuhaan sang 280grams sang suspected shabu nga may standard drug price nga P1.9 million.
Ginpabutyag ni Balopiños nga halin sa Dumangas ang shabu sang mga subjects nga ibaligya para matambong sa Sulay Basya Festival.
Daku nga supply ang gintigana sang duha para sa kahiwatan pero wala na ini naglapta pa.
Ginpasangkad man sang kapulisan ang ila nga pagbantay ilabe na sa mga nagatuyo nga magbaligya sang illegal drugs sa banwa. — Aksyon Farrah Mae Morano
