ILOILO CITY— Na-recover ang P1.9 million nga balor sang suspected shabu sa drug buy bust operation sang City Drug Enforcement Unit (CDEU) sa Bakhaw, Mandurriao subong nga hapon.
Nadakpan si alyas Ala, 35-anyos nga residente sang amo man nga lugar.
Suno kay CDEU head Police Captain Roque Gimeno III, na-monitor na niya sadto ang subject nga nagadul-ong sang illegal drugs sa Brgy. Zamora sang OIC pa siya sang Police Station 1.
Wala nagakadayon ang pag-operate kay alyas Ala tungod wala nagakooperar ang iban nga tawo sa palibot sang iya balay tubtob nakakuha ang CDEU sang informant.
Kaina nadakpan ang subject. May duha pa kuntani nga dakpon ang CDEU pero wala sa lugar sang natabo ang operasyon.
Na-recover ang pito ka sachet sang suspected shabu kag lima ka knot tied sachet nga ginabanta nagabug-at sang 280 grams kag may standard drug price nga P1,938,000.
Posible suno kay Gimeno nga nabuhinan na ang supply sang illegal drugs kag na-distribute na sa mga manugbakal.
Nagaserbe nga bodegero sang illegal drugs si Ala sa mga HVI nga nadakpan na sang CDEU. — Aksyon Farrah Mae Morano
