ILOILO CITY — Na-recover ang ginabanta 530 grams sang suspected shabu nga may standard drug price nga P3.6 million sa drug buy bust operation sa Sunset Boulevard sakop sang Brgy. Sooc, Arevalo kagab-i.
Subject si alyas Bensoy, 23-anyos kag alyas RM, 30-anyos, lunsay residente sang Barangay Calumpang, Molo.
Suno kay Captain Glen Soliman, OIC sang Regional Police Drug Enforcement Unit (RPDEU) distributor ang duha sang illegal drugs sa syudad kag probinsya sang Iloilo.
Ginakabig si Bensoy nga masaligan nga tinawo sang iya nga boss sa pagdul-ong sang illegal drugs gamit ang ila nga awto.
Sa pagpangusisa sang RPDEU, may nagasugo sa duha nga boss nga yara sa presuhan sa Muntinlupa City. Kon kaisa may ginatugayanan pa gid ang ila nga boss sa illegal drugs pero ang duha lang ka mga nadakpan ang naga-deliver. — Aksyon Farrah Mae Morano
