ILOILO CITY — Naglab-ut sa P3,700,000 ang balor sang suspected shabu ang na-recover sa buy bust operation sang Regional Police Drug Enforcement Unit sa Brgy. Salvacion Habog-habog, Molo pasado las-3:00 kaina sang kaagahon.
Main subject sa operation si alyas Allan 38- anyos, residente sang Brgy. Tabucan, Barotac Nuevo upod si alyas Joebert 55-anyos sang Brgy. Talibong, Zarraga.
Suno kay Police Major Marvin Villanueva, deputy chief sang Regional Police Drug Enforcement Unit, nakaagi na nadakpan sang 2021 ang mga subject angut sa illegal nga druga apang nakaguwa paagi sa plea bargaining agreement.
Na-recover ang ginabanta nagabug-at 550 grams sang suspected shabu sa mag-abyan nga naka-custody sa Iloilo Police City Station 4 sa Molo. — ARI trainee Robert Nietes
