ILOILO CITY — Nakuhaan sang tunga sa million nga balor sang suspected shabu ang mag-live in partner sa drug buy bust operation sa Barangay Lopez Jaena, Jaro kagab-i, Agosto 21.
Ginpahayag ni Police Captain Roque Gimeno III, head sang City Drug Enforcement Unit (CDEU), nga nakaagi na preso sa kaso may kaangtanan sa illegal nga druga si alyas Ronald sang 2016 kag nakaguwa sang 2022 paagi sa plea bargaining agreement. Lakip sa nadakpan ang iya live-in-partner nga si alyas Rona.
Na-recover sa mga subjects ang 15 ka sachets sang suspected shabu nga ginabanta nagabug-at sang 75 grams.
Dugang ni Gimeno, sa Barangay San Isidro, Jaro kag Bakhaw, Mandurriao nagakuha sang supply ang mga subjects nga ila ginabaligya sa mga parokyano nga nagahalin sa kaiping nga mga barangay kaangay sang Tabuc Suba kag San Isidro. — Aksyon Maria Kayla Tingzon
