Pagpadayon sa construction sang Aganan Flyover himuon sa 1st quarter sang 2026; proposed budget sang proyekto nalakip sa 2026 NEP

ILOILO — ILOILO CITY—Painan sang P285 million nga pondo ang pagpahuman sang kontrobersiyal kag ginalumotan nga Aganan Flyover sa Pavia.

Ini ang ginpahayag ni DPWH 6 Assistant Regional Director Jose Al Fruto sa session sang Sangguniang Bayan sang Pavia subong nga aga.

Suno sa iya, nalakip sa 2026 National Expenditures Program (NEP) ang pondo para sa proyekto.

Padayunon ang konstruksyon sa first quarter sang 2026 sa tion nga matapos ang pag-jet grouting nga kabahin sang rectification works.

2020 sang ginsuguran ang construction pero ginpauntat sang October 2022 sang nakitaan sang pag-usmod kag ginpaidalum sa soil exploration test kon diin nakitaan sang masobra 20 ka metros nga kulang sa dapat kalabaon sang pundasyon tubtob malab-ut ang hard strata sang duta.

P802 million ang exact project cost sang flyover pero may P307.7 million pa nga wala nagamit sang ginpauntat ang konstruksyon.

Liwat nga nagpaguwa sang P15.3 million ang DPWH 6 nga bayad sa third party consultant nga naghimo sang soil exploration test.– Aksyon Marvin Malificiar