Sa una nga tion, naka-abot na sa Finland ang paho halin sa Guimaras.

Naglab-ot sa 306 ka kilos ang gin-export nga paho sang Wonder’s Farm paagi sa bulig sang Bureau of Plant Industry-Region VI Plant Quarantine Service Iloilo.

Ini ang una nga shipment sang Guimaras Mangoes sa Finland kag kabahin sang pagpalapad sang merkado sini sa Europa.

Antes sini, ginatos na ka kilo sang paho ang ginpadala sa abroad pareho sang Netherlands, Belgium, Hong Kong, kag iban pa.

Isa ang paho sang Guimaras sa ginadugukan sang mga turista ilabe na sa tion sang Manggahan Festival sa probinsiya.