ILOILO — Patay ang 32-anyos nga pangayaw sang nalasakan sang duha ka wingvan sa Brgy. Trapiche, Oton kagab-i.
Suno kay Police Master Sergeant Johannes Sorongon, chief investigator sang Oton Municipal Police Station, nagalakat papuli ang biktima sang natumba sa tunga sang dalan tungod sa kahulugbon.
May duha ka wingvan nga pakadto sa direksyon sang Antique ang nagasundanay kag naglabay sa lugar. Wala natalupangdan sang driver sang una nga wingvan ang biktima gani nalasakan.
Gintinguhaan pa sang ikaduha nga wingvan nga maka-preno pero nalab-ut ang biktima kag liwat nalasakan.
Ginpahayag ni PMSg Sorongon nga wala natalupangdan ang biktima tungod sa iya “dark-colored” nga bayo.
Gindala sa ospital ang biktima pero gindeklarar nga dead-on-arrival.
May inisyal nga istoryahanay ang kompaniya sang drivers sang duha ka wingvan kag ang pamilya sang napatay. — Aksyon Paula Elambayo
