Ginkumpirmar ni Police Colonel Joeresty Coronica, direktor sang Iloilo City Police Office nga pagabuslan siya ni Police Col. Kim Legada, Chief sang Regional Plans and Strategy Management Division sang Police Regional Office 6.
Suno kay Coronica, naka-istorya na sila ni Police Brig. Gen Jack Wanky, direktor sang Police Regional Office 6 may kaangtanan sa pag-ilis sang liderato.
Ginahulat na lang suno sa iya ang direktiba nga posible ipaguwa sa masunod nga semana.
Naglab-ut na sa duha ka tuig humalin sang nangin City Director si Coronica. — via Aksyon Maria Kayla Tingzon
