Pasado na sa Iloilo City Council ang pagpataas sa penalidad sang mga naga-obstruct sa bike lane.
Sa Committee report ni Committee on Transportation Chairman Councilor Sedfrey Cabaluna, indi supisyente ang P3,000 nga penalidad para sa mga naga-obstruct sa bike lane rason nga pataasan sa P5,000.
Ginkompormehan man ini sang PSTMO tungod madamo sang nadakpan nga naga-obstruct bisan pa nga may penalidad na.
Nagapati naman si Public Safety and Transportation Management Office (PSTMO) Head Jeck Conlu nga mabuhinan kag mapahagan-hagan ang mga naga-obstruct sa mga bike lanes sa siyudad tungod sa ginpataasan nga multa sang mga violators.
Suno kay Conlu, mabug-at para sa mga violators ang P5,000 nga multa gani may posibilidad nga madudla na nga mag-park pa liwat sa mga bike lanes ang tag-iya sang mga salakyan nga madakpan.
Gintumod ni Conlu ang mga bike lanes sa university belt ukon sa General Luna Street, City Proper nga may madamo nga obstruction.
