ILOILO— Mas ginpasangkad sang Police Regional Office (PRO) 6 ang operational capabilities sang mga personnel sa Western Visayas paagi sa modern drone technology.
Sugod kahapon, ginpaidalum sa 5-day drone seminar ang 38 ka participants halin sa nagkalain-lain nga police units sa rehiyon.
Lakip sa gindiskusyunan ang drone operation, maintenance, aerial surveillance, mapping, kag monitoring. Dugang pa gid ang legal kag ethical use sang drones sa police service.
Inisyatibo ini sang PRO 6 agud mapasangkad ang capability development sa sky patrol sa idalum sang Project DAPAY, ang pioneering program nga nagagamit sang drone technology para sa law enforcement, disaster response, kag public safety.
Nagserbe nga lecturers ang mga drone operators halin sa Philippine National Police National Headquarters (NHQ) nga kanday Corporal Rodelio Daguio kag Patrolman John Paul Merto.
“Drones are more than just flying machines; they are our eyes in the sky, saving lives, preventing crimes, guiding our operations, and enhancing crowd control with speed and accuracy,” suno kay PRO6 Regional Director Brigadier General Josefino Ligan. — Aksyon Farrah Mae Morano
