ILOILO CITY — Kumpirmado nga may nagrambol naman nga mga pamatan-on sa Smallville Complex sa Brgy. San Rafael, Mandurriao.
Suno kay Police Captain Val Cambel, hepe sang Mandurriao Police Station, natabu ang ginamo sang Setyembre 23 pa, mga las-11 sang gab-i.
Base sa pagpangusisa sang mga pulis, nagsugod sa sulod sang resto bar ang ginamo.
Ginsaway sang personnel sang resto bar ang mga pamatan-on kag ginpaguwa ang mga involved.
Pero nagpadayon sa guwa ang ginamo.
Sang nagresponder ang mga pulis, nagpalagyo ang mga involved rason nga wala na naabtan ang iban.
Nag-aregluhanay man ang mga involved sa ginamo, suno kay Cambel.
