ILOILO CITY—Gindala sa Iloilo City Hall ang replica sang Our Lady of Manaoag nga naghalin pa sa Our Lady of Manaoag Church sa Pangasinan para sa tatlo ka adlaw nga replica installation.
Ipahamtang sa Penthouse sa 8th floor sang city hall ang replica kag bukas sa mga deboto para sa paghalad sang pangamuyo.
Magluwas sa mga empleyado sang city hall, bukas man ini sa publiko.
Suno sa Simbahan Katoliko, dalangpan sang mga deboto nga nagapangamuyo para sa pag-ayo sa mga masakit, proteksyon, swerte, kag kalinong ang Our Lady of Manaoag.
Ang Our Lady of Manaoag Church sa Pangasinan masami nga ginakadtuan sang mga tumuluo nga nagapangamuyo sa pag-ayo sang ila mga masakit gani ginatawag ang amo nga santo nga “Mother and Patroness of the sick and needy.” — Aksyon Marvin Malificiar
