Nakuhaan sang tunga sa million nga balor sang suspected shabu ang tricycle driver sa drug buy bust operation sa Estancia Public Cemetery sa Brgy. Tacbuyan, Estancia kahapon, Agosto 26.
Sa duha ka bulan nga monitoring sa subject, natukiban nga sa Roxas niya ginakuha ang illegal nga druga nga iya ginabaligya sa kabarangayan sa Estancia.
Na-recover sa operation ang isa ka sachet kag tatlo ka dalagko nga pinutos sang suspected shabu nga ginabanta nagabug-at sang 74.26 grams.
Yara na sa kustodiya sang Estancia police ang subject nga magapangatubang sang kaso nga paglapas sa Republic Act No. 9165, ukon ang Comprehensive Dangerous Drugs Act of 2002. — Aksyon Maria Kayla Tingzon
