ILOILO CITY — Ginakulang ang school supplies sa siyudad.
Ini ang ginpabutyag ni alyas Les nga store supervisor.
Paathag ni Les, ginakulang ang raw materials sa pag-obra sang papel rason nga gina-kontrol man sang suppliers ang ila ginapaguwa sa mga manugbaligya.
Ginpahayag pa niya nga nagtaas sang P2 tubtob P3 ang paper products sa Iloilo City kun ikumparar sa 2022.
Sa pag-monitor sang Aksyon Radyo Iloilo news team, ang notebook nga may plastic cover nagabili na sang P32 halin sa P30, samtang ang wala naman sang cover mabakal sa tag-30 halin sa P28.
Nagtaas man ang pad paper nga halin sa P12 nangin P15 na ang baligyaanay.
May paghulag man sa presyo sang lapis, krayola, erasers kag iban pa nga school supplies.
Una na nga ginpanginwala sang Department of Trade and Industry nga may shortage sang school supply sa pungsod. —via Fraye Cedrick Anona
