ILOILO — Ginkumpirmar ni PCOL Ronaldo Palomo, director sang Iloilo Police Provincial Office nga napatay sa hot pursuit operation si Michael Solis, ang nagtiro-patay kay Police Corporal Reo Manero sa Polot-an, Pototan kahapon, Abril 8.
May igo sa wala nga abaga kag likod si Solis.
Ginpahayag nagbato sa police sa hot pursuit operation las 9:30 kagab-i si Solis.
Base ini sa initial report nga nabaton ni Police Colonel Ronaldo Palomo, director sang Iloilo Police Provincial Office.
Gindala pa sa ospital si Solis apang gindeklarar nga dead-on-arrival.
Suno kay Col. Palomo, halin sa Polot-an, Pototan nagpalagyo sakay sa motorsiklo si Solis pakadto sa Barangay Sohoton, Barotac Nuevo.
Sa nabaton nga impormasyon ni Palomo, may karelasyon si Solis sa Barangay Sohoton rason didto siya nagpanago.
Suno pa kay Palomo, nagapadulong pa lang ang mga pulis sa target nga balay sang nagpalupok si Solis rason nagbalos ang operating team.
Ginpahayag ni Palomo nga nagdalagan pa si Solis pakadto sa talamnan sang natiruhan sang police.
Na-recover sa lugar ang 45 caliber pistol nga ginapatihan amo ang gingamit ni Solis sa pagpatay kay Corporal Manero.
Dugang ni Palomo, may pulis nga naigo sang bala samtang gina-operate si Solis, pero wala naglapos ang bala tungod naka-bulletproof vest.
