ILOILO — Naglapaw sa taytay kag nahulog sa suba sa Brgy. Bantud Fabrica, Dumangas ang Toyota Rush nga ginamaneho sang 24-anyhos nga lalaki kahapon, Abril 19.
Ginkilala ang driver kay Remiel Angelo Divieza. Suno kay Police Staff Sergeant John Mark Tuazon, imbestigador sang Dumangas Police Station, posible napiyungan si Divieza samtang nagamaneho sang salakyan.
Nakabunggo pa sa poste sang kuryente kag sa railings ang salakyan antes naglapaw sa taytay kag nahulog sa suba ang salakyan.
Naghingagaw naman guwa ang driver kag naglangoy pakadto sa higad sang suba.
Padulong sa town proper sang Dumangas si Divieza halin sa Iloilo City sang na-aksidente.
