Trisikad driver nga nagdul-ong sang grocery sa La Paz Police Station nakuhaan sang suspected shabu; Druga nasulod sa chichirya

ILOILO CITY – Nakuhaan sang suspected shabu ang grocery nga gindul-ong sang trisikad driver sa La Paz Police Station kahapon, Agosto 13.

Suno kay Police Patrolman Christian Ting sang La Paz Police Station, nasulod ang suspected shabu sa chichirya nga yara sa grocery. Sa pito ka chichirya suno sa iya, nagakupos ang isa ka putos gani iya gin-usisa kag nakita ang isa ka sachet sang suspected shabu kag aluminum foil.

Sa impormasyon sang La Paz police, ginpadala ni Alyas Kaykay nga taga-Lapuz Norte sa trisikad driver ang grocery nga para sa preso nga si Alyas Mark.

Suno kay Fox John Gonzales nga trisikad driver, ginsugo lang siya nga idul-ong sa police station ang grocery. Nagahilibion si Gonzales tungod wala siya sang ihibalo nga may unod nga druga ang grocery.

Preso sa La Paz Police Station si Gonzales.