Tungod sang mamunog nga ulan, residente natampukan sang naguba nga pader sa Estancia

ILOILO — Estable na ang kondisyon sang residente nga natampukan sang naguba nga pader sa Brgy. Poblacion Zone 1, Estancia kahapon, Oktubre 18.

Ini ang ginkumpirmar ni Estancia Municipal Disaster Risk Reduction and Management Office Responder Almir Dela Cruz.

Tungod sa mamunog nga ulan kag baha, naguba ang pader sang Northern Iloilo State University Laboratory High School sa amo nga lugar kag natampukan ang balay sang residente nga himo sa light materials.

Sa sulod sang natampukan nga balay ang residente, suno kay Dela Cruz.

Ginrespondehan sang Barangay kagawad kag gilayon gindala sa ospital ang residente. — ARI trainee Robert Nietes