Una nga kaso sang indiscriminate sa Iloilo Province subong nga Disyembre na-record sa Pavia

Na-record sa Pavia ang una nga kaso sang indiscriminate firing sa Iloilo Province subong nga Disyembre.

Ini ang suno kay Police Lieutenant Colonel Rolando Araño, spokesperson sang Iloilo Police Provincial Office (IPPO).

Matandaan nga December 25 sang napilasan ang 25-anyos nga babaye sang na-igo sang bala ang wala nga tiil makaligad nga nagpalupok ang iya kasilingan.

Naka-custody subong sa Pavia Police Station si alyas Dayon, 37-anyos nga amo ang nagpalupok sang pusil.

Samtang, gin-operahan ang biktima nga si alyas Ace para makuha ang bala sa iya tiil. — Aksyon Angel Mae Ciudad