Bukas ang Ungka Flyover para sa mga light vehicles halin las-6 sa aga tubtob las-9 sa aga; kag las-4 sa hapon tubtob las-8 sa gab-i.
Pasugtan nga makalabay sa flyover ang mga four-wheeled light vehicles sa inner lane sini, samtang ginadumilian ang mga tricycles, pedicabs, motorbikes, kag bisikleta.
Ginabawalan man ang pag-overtake.
Setyembre 2022 ginpasiraduhan ang proyekto tungod sa na-monitor nga pag-usmod sini. Pero sa press conference subong nga semana, ginpabutyag ni DPWH 6 OIC, Engr. Sanny Boy Oropel nga wala na sila sang na-monitor nga paghulag sa flyover.
