1 ka hektariya sang katubuhan sa Passi City nasunog; kalayo naglatay halin sa truck nga nagkalayo

ILOILO— Nasunog ang isa ka hektariya sang katubuan sa Brgy. Salngan, Passi City kaina sang aga.

Suno kay Fire Office 1 Rene Ajusan, imbestigador sang Passi City Fire Station, una nga nasunog ang cargo truck nga nagakarga sang tubo antes naglapta ang kalayo.

Sa pagpangusisa sang mga bombero, pag-start sang driver sa truck may nag-igrab sa idalum kag nag-ibwal ang kalayo tungod madamo sang hilamon kag tubo nga mga laya.

Naglapta ang kalayo kag nasunog ang isa ka hektarya sang katubuhan.

Nagapadayon pa kuntani ang pagpangtapas sang tubo subong nga adlaw.

Ginabanta naglab-ut sa P500,000 ang balor sang kahalitan sang sunog sa truck.

Gindeklarar nga fire out la-1:15 sa hapon. — Aksyon Maria Kayla Tingzon