ILOILO — Nadakpan sa hot pursuit operation sang gintingub nga puwersa sang Pavia police kag Leganes police ang suspek sa pagtiro sa duha ka empleyada sang Goldilocks-Pavia sang Abril 14 sang gab-i.
Las 11:30 kagab-i, Abril 15, nadakpan sa Gua-an, Leganes si Lloyd Katipunan sang amo man nga lugar.
Si Katipunan ang ginatudlo nagtiro kay Goldilocks plant manager Divine Grace Castillo, 32-anyos sang Zone 2, Barangay San Juan, Molo nga nagresulta sa iya kamatayon, kag pagkapilas ni John Shane Somblingo, Human Resource personnel kag pumuluyo sang Barasan Este, Sta. Barbara.
Gindula na sang police ang anggulo nga love triangle kag nagtutok na lang sa anggulo nga work-related tungod ang suspek, empleyado man sang Goldilocks nga subject sa termination sang kompaniya.
Na-identify ang suspek sa mga nakuha nga CCTV footages sang kapulisan.
Nagasakay sa motorsiklo kag nagpanaug ang suspek sang gintiro ang mga biktima. — Aksyon Kikik Enar
