Patay ang driver sang motorsiklo samtang pilason ang driver sang tricycle sang nagbungguanay sa Barangay Madong, Janiuay.
Suno kay Police Captain Melvin Mercado, deputy chief of police sang Janiuay Municipal Police Station, nagasumalangay ang duha ka mga salakyan sang naglapaw sa lane sang motorsiklo ang tricycle tungod ginakay-o ang karsada.
Halin sa Lambunao ang motorsiklo samtang sa pihak nga direksyon pakadto ang tricycle.
May suksok nga helmet ang driver sang motorsiklo pero nawasak tungod sa impact.
Gindala pa sa ospital sa Janiuay ang driver sang motorsiklo pero napatay samtang ginabulong.
May fracture naman sa tiil ang driver sang tricycle nga gin-refer na sa ospital sa Pototan.
Yara sa kustodiya sang Janiuay police ang mga salakyan. — Aksyon Maria Kayla Tingzon
