ILOILO — Patay na sang nasapwan ang lapsag sa dumpsite sa Brgy. Bungca, Barotac Nuevo kahapon, Hulyo 19.
Ginapatihan nga bag-o lang ginbun-ag ang lapsag.
Suno kay Police Captain Bryan Alejo, caretaker sang Barotac Nuevo Municipal Police Station, nakit-an sang nagapamasura nga babaye ang lapsag.
Gilayon nga nagtawag sang bulig ang nakakita.
Gina-imbestigaran sang Barotac Nuevo police kon sin-o ang nagbilin sang lapsag.
