ILOILO – Patay na sang nasapwan ang 15-anyos nga solterito sa suba sa Brgy. Minanga, Dueñas las-10 kaina sang aga.
Suno kay PCAPT Isagani Tabares sang Dueñas Municipal Police Station, wala sang pilas ang solterito, pero may gamay nga gasgas nga posible naka-igo sa bato sa suba.
Sa pagpangusisa sang kapulisan, bag-o lang nakaguwa sa ospital ang solterito nga “daw may deperensya sa paminsaron” suno kay Captain Tabares.
Sa pagpamangkot man sang mga pulis sa pamilya, masami nga nagalakat ang solterito halin sa ila balay sa Barangay Batuan, Dueñas nga wala nagalisensya sa iya ginikanan ukon lola. Kahapon, may nakakita sa iya nga nagkadto sa suba.
Posible suno kay Tabares nga nagtuyo sa pagtabok sa suba ang solterito kag tungod madalom ang tubig, nakadalin-as siya kag natumba.
Nagapati ang pamilya nga wala sang foul play sa natabo, suno kay Captain Tabares.
