ILOILO CITY – Makakabig na nga “very unhealthy” ang air quality sa Iloilo City para sa mga sensitive groups tungod sa haze nga tuga sang forest fires halin sa Indonesia.
Ini base sa report sang Environmental Management Bureau (EMB) sang Department of Environment and Natural Resources (DENR) as of 12:00nn subong nga September 3.
Ang sensitive groups ginalakipan sang kabataan, mga tigulang, mga nagabusong, may balatian sa baga kag corazon.
Gin-base sang EMB ang ila report sa data nga nakuha sang air monitoring system sa Garden of Love sa Nabitasan, La Paz.
Na-monitor ang particulate matter (PM) 2.5 sa Iloilo City, nga 30x nga mas gamay sang sa isa ka buhok sang tawo.
