Iloilo City – Duha ka balay kag isa ka kamalig ang nasunog sa Brgy. Mohon, Arevalo subong nga hapon.
Ginapanag-iyahan sang mag-utod nga Madam Gison kag Moroy Gison ang nasunog nga mga balay.
Suno kay Carol, utod pa gid sang mga nasunugan, nagsugod ang kalayo sa kamalig nga tupad balay ni Moroy tubtob nga naglapta sa naga-ipingay nga balay sang mag-utod.
Ginalantaw sang pamilya nga naghalin ang kalayo sa naka-stock nga palupok sa sulod sang kamalig. Ginpahayag ni Carol nga sobra sang mga palupok sang Disyembre ang gintago sa kamalig agud gamiton kuntani sa masunod nga okasyon.
Pero gina-imbestigaran pa sang bombero kon ano gid ang ginhalinan sang kalayo. — Aksyon Angel Mae Ciudad
