P1.3 million nga balor sang suspected shabu, pusil na-recover sa drug buy bust operation kag pagserbe sang search warrant sa Pali Benedicto, Mandurriao

ILOILO CITY — Na-recover ang suspected shabu kag pusil sa drug buy bust operation kag pagserbe sang search warrant sang kapulisan sa Zone 3, Brgy. Pali Benedicto, Mandurriao kaina sang aga.

Suno kay Police Captain Glen Soliman, head sang Regional Police Drug Enforcement Unit (RPDEU), una nila nga gin-subject sa drug buy bust operation si alyas Mar, 49-anyos kag Charlie kag nakuha ang isa ka sachet sang suspected shabu.

Pagkatapos sini, magserbe sang search warrant ang RPDEU 6 sa balay ni alyas Mar para ma-check ang 2nd floor sang balay.

Na-recover ang dugang nga 30 ka sachet sang suspected shabu nga nagabug-at sang 200grams kag may standard drug price nga P1.3 million, .38 caliber revolver kag drug paraphernalia. –– Aksyon Farrah Mae Morano