ILOILO CITY — ILOILO CITY — Duha ka mga ginakabig high value drug personality sang police ang nadakpan sa buy bust operation sa Brgy. Baldoza, La Paz.
Ang main target ginkilala kay alyas White, 45-anyos kag iya upod nga si alyas Cliff, 32-anyos.
Suno kay Police Major Marvin Villanueva, deputy chief sang RPDEU, na-monitor ang ilegal nga aktibidad ni White tungod sa confidential informant kag sa iya kaso may kaangtanan sa illegal drugs.
Sa pagpangusisa sang police, 2020 napreso si White kag nakaguwa sang 2023 paagi sa plea bargaining agreement.
Na-recover ang 130 grams nga kabug-aton sang suspected shabu nga nagabalor sang P884,000.
Gina-imbestigaran pa sang kapulisan kon diin nagahalin ang supply sang illegal drugs sang mga nadakpan. — Aksyon Paula Elambayo
