ILOILO — ILOILO — Arestado ang jeepney driver sa buy bust operation sang Station Drug Enforcement Team — Pavia Municipal Police Station sa Brgy. Ungka II, Pavia kahapon, Oktubre 11.
Suno kay Police Lieutenant Patrick John Alabado, deputy chief of police sang Pavia Municipal Police Station, duha ka semana gin-monitor ang subject nga temporaryo nagatiner sa Brgy. Balabag.
Naghalin ang impormasyon sa mga residente nga naga-engage sa illegal drugs ang subject gani gin-monitor tubtob nga nadakpan.
Ginpahayag sang police nga nagahalin sa Brgy. Bakhaw, Mandurriao ang supply sang illegal drugs sang subject.
Nagabalor sang P748,000 ang na-recover nga suspected shabu nga nagabug-at sang 110 grams. — Aksyon Paula Elambayo
