Duha ang napatay samtang isa ang pilason nga menor-de-edad sang nakabunggo sa pader ang ginasakyan nga motorsiklo sa San Nicolas, Oton kagab-i, Hunyo 13.
Suno kay Police Staff Sergeant Elvin Sañol sang Oton Municipal Police Station, halin sa fiesta sa San Antonio, Oton ang tatlo kag padulong kuntani sa Mohon, Arevalo sang naglapaw sa karsada kag nakabunggo sa pader.
Ginamaneho ni John, 17-anyos ang motorsiklo, samtang angkas niya si Toto, 16-anyos kag si Nonoy, 17-anyos.
Gindala pa sa ospital ang tatlo, pero gindeklarar nga dead-on-arrival ang duha ka 17-anyos.
Padayon naman ginabulong sa ospital ang 16-anyos, suno sa police.
Ginpabutyag sang police nga lunsay naka-inom sang makahulubog nga ilimnon ang tatlo.
