Iloilo City:

By: Jocelyn Gelloagan-Maque

Nangin epektibo ang kampaniya sang Department of Health (DOH) batuk sa mga palupok.

Ini bangud sa magamay nga numero sang mga biktima sang palupok ikumparar sang nagligad nga mga tinuig nga selebrasyon.

Sa consolidated report sang Aksyon Radyo Iloilo, lima ka mga biktima tuga sang palupok ang gin-report.

Lakip sa mga biktima ang tatlo ka miembro sang Pamilya Guerhem sa Barangay Bakhaw, Mandurriao nga nalukpan sang ginsindihan nga pwitis sang ila kaingud nga balay.

Sa probinsiya naman duha ka mga persona nga nalukpan sang kamara kag trayanggulo.

May gin-report man nga naigu sang stray bullet halin sa La Paz nga ginkilala kay Crezel Lumawag nga estable naman sa ospital.

May mga insidente man sang pagkalampos sang botelya, vehicular accidents kag pagkastigo apang tuman ka minimal.

Sa iban pa nga insidente, ginreport ang pagkasunog sang balay ni SPO1 Nerio Salcedo nga anak ni Mayor Neptali Salcedo sang Sara kagab-i.

Kaina sang kaagahon, ginpuhag ang mga residente sa Barangay Lopez Jaena, La Paz matapos nasunog ang pila ka mga pamalay.