Iloilo City: Pila ka parte sang syudad kag probinsya, nagligum-dulom!
By: Jocelyn Gelloagan-Maque
Nagligum dulom ang pila ka parte sang siyudad pati na ang probinsiya pasado las-6 kagab-i.
Bangud sini, nagbaha sang reklamo sa textline kag facebook account sang Aksyon Radyo Iloilo.
Paathag sang Panay Electric Company (PECO), nagkaproblema sa koneksyon nga naga-angut sa Panay kag Negros.
Ang power supply mismo sang National Grid Corporation of the Philippines (NGCP) ang nagkaproblema suno kay Engr. Randy Pastolero sang PECO, kabangdanan nga nag-brownout.
Gilayon naman nga nagbalik ang supply sang elektrisidad sa pila ka porsyon sang siyudad samtang nadugayan nga makabalik ang kuryente sa probinsiya.
Sa Passi City, pasado las-9 na kagab-i nagbalik ang linya sang kuryente subong man sa Northern Iloilo.
A
Asd