Iloilo City: Walo ka mga festivals sa guwa sang Iloilo, gin-imbitar nga magpasakop sa Kasadyahan Regional Cultural Competition sang Dinagyang Festival 2015!
Read Time:47 Second
By: Jocelyn Gelloagan-Maque
Walo ka mga festivals sa guwa sang Iloilo ang gin-imbitar sang Department of Tourism (DOT) 6 agud magpasakup sa Kasadyahan Regional Cultural Competition sang Dinagyang Festival sa Enero 24.
Ginkomfirmar ni DOT 6 Director Helen Catalbas nga halos sigurado na nga mapasakup sa Kasadyahan ang gin-imbitar nga mga festivals.
Halin sa Negros Occidental, ginalauman nga mapasakup ang Masskara Festival sang Bacolod City, Cinco de Noviembre sang Bago City, Hugyaw sa Kansilay sang Silay City, kag Pinta Flores sang San Carlos City.
Imbitado man ang Ati-Atihan sang Kalibo, Aklan; Sinadya sa Halaran sang Capiz kag Tatusan Festival sang Caluya, Antique.
Nagpasalamat naman si Catalbas kay Mayor Genevieve Reyes sang Caluya bangud nagpabutyag sang kahanda nga mag-intra sa Kasadyahan bisan tuman ka layo ang iya banwa.
Samtang ang Iloilo Dinagyang Foundation Incorporated (IDFI) suno kay Catalbas ang magapang-imbitar sang participants para sa Kasadyahan halin sa syudad kag probinsya sang Iloilo.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Hibao-an flyover buksan sa Disyembre 15
ILOILO CITY – Natalana ang inisyal nga pagbukas sang Hibao-an Flyover sa Disyembre 15, suno kay Department of Public Works...
Aksyon Night Patrol | Nov. 28, 2023
https://www.youtube.com/watch?v=4P-ta2132YU Aksyon Night Patrol upod kay Aksyon Jorge Cabrera | November 28, 2023Editor’s Note: AKSYON RADYO ILOILO welcomes different opinions...
Average Rating