August 15, 2022

Iloilo: Lima, kumpirmado patay sa naglugdang nga pumpboat sa Isla Higantes, Carles!

Read Time:42 Second

By: Jocelyn Gelloagan-Maque

Padayon nga ginapangita tubtob subong si Vincent Bartolome, isa sa mga nalumos matapos nagkapan ang ginasakyan nga pumpboat sa baybayon sang Isla Higantes sa Carles sang Enero 1.

Lima ang kumpirmado nga napatay sa insidente ginalakipan nanday Jesabel Bartolome, 10-anyos; Kristoff John Rualio, 2-ka tuig; Anthony Bartolome, 14-anyos; Cristel Jane Rualio, 6-ka tuig kag Jay-ar Besonia, 22-anyos.

Naluwas naman ang apat pa ka biktima nga amo ang mag-utod nga Glory Jane, Ruffa kag Marivic Bartolome kag Jeramel Besonia nga padayon nga ginabulong sa Jesus Colmenares District Hospital.

Naghalin sa New Year’s party sa Isla Naburot ang pamilya Bartolome kag nagapauli na sa Barangay Asluman sang natabu ang insidente.

Sakay sang pumpboat ang kabataan kag mga apo ni Reynaldo Bartolome, ang una nga nakaluwas kag nagreport sa natabu.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Guimaras: Simbahan sang Buenavista, ginkawatan sang kuwarta!
Next post Iloilo City: Walo ka mga festivals sa guwa sang Iloilo, gin-imbitar nga magpasakop sa Kasadyahan Regional Cultural Competition sang Dinagyang Festival 2015!