Janiuay, Iloilo: Lalaki, patay matapos gin-alegar nga naghikug paagi sa pagtiro sang kaugalingon

By: Aine Grace Bravo

Patay ang lalaki nga gin-alegar naghikug. Ginkilala ang lalaki kay Ryan Cervantes, 36-anyos sang Poblacion, Janiuay.

Nakuha sang mga pulis sa lugar ang .45 kalibre nga pusil nga ginapatihan gingamit sa pag-suicide. Sa imbestigasyon sang Janiuay police, gin-um-om ni Cervantes ang barrel sang pusil kag ginpalupok.

Ginhingagaw pa ini dala sa ospital apang gindeklarar nga patay. Problema sa pamilya ang ginatumod motibo sa gin-alegar paghikog ni Cervantes.