39-anyos nga amay, nag-ako nga iya ginhimuslan ang dalagita sini nga anak!

By: Joy Facinal Fantilaga
Gin-ako sang 39-anyos nga amay nga iya ginhimouslan ang dalagita nga anak. Suno kay Alyas Tatang, natabo ang una nga paghimulos kay Alyas Nene sang Nobyembre 28 sang nagligad nga tuig kag ginsundan pagid sang Enero 1. Gin-athag ni Alyas Tatang nga wala man siya maka-penetrate sa kinatawo ni Nene sa una nga insidente kag sa ikaduha nga tiun, iya lang ginhalukan sa bibig. Kagab-i, gintuyo naman nga himuslan ni Alyas Tatang si Alyas Nene apang nagkapangyo sang bulig ang biktima sa mga kasilingan kag nagtawag sang pulis kag gindakop ang suspek. Natalana nga ipaidalom sa medical examination si Nene.