Iloilo City: Pagpa-isol sang Sangguniang Kabataan elections, indi pa opisyal suno kay 3rd District Rep. Arthur Defensor, Jr.

By: Jocelyn Gelloagan-Maque

Indi pa opisyal ang pagpa-isol sang Sangguniang Kabataan elections nga natalana sa Pebrero 21.

Apang nagapati si 3rd District of Iloilo Representative Arthur Defensor, Jr. nga diri gihapon ang padulungan sang kongreso.

Ginpa-athag sang kongresista nga Disyembre sang nagligad nga tuig pa napasar sa Kamara ang hagna nga magapa-isol sang SK elections sa Oktubre, 2016.

Posible suno kay Defensor nga talakayon sang senado ang ila version sang bill sa una nga semana sang Pebrero.

Ginkompormihan man ni COMELEC 6 Director Dennis Ausan nga indi pa opisyal ang postponement bangud wala pa nabutang sa papel.

Samtang wala pa sang laye, gindayon gid sang COMELEC ang pag-implementar sang election period kaina sang kaagahon.