Iloilo City: Pila ka pampubliko nga buluthuan sa syudad, wala naghiwat sang klase matapos ginhimo nga billeting areas sang mga competing tribes sa Kasadyahan Festival ang ila eskuwelahan!

By: Jocelyn Gelloagan-Maque

Wala sang klase ang iban nga public school sa syudad umpisa subong tubtub buwas.

Gin-suspender ang klase suno kay Dr. Eden Deriada, Chairperson sang Kasadyahan Festival bangud gamiton ang mga eskwelahan nga billeting sang mga contestant nga magapasakop sa Kasadyahan Regional Cultural Competition sa Enero 24.

Suno kay Deriada, wala na sang klase kaina ang Iloilo Central Elementary School, Mabini Elementary School, Bonifacio Elementary School, Montes Elementary School kag La Paz Elementary School.

Kadam-an sang mapasakop sa Kasadyahan Competition ang naghalin sa Negros Occidental, Capiz, Antique kag Guimaras.